Jeńildikke ıe turǵyndar sanaty úshin jol júrý kartalaryna fototirkeý jalǵasýda
ASTANA. QazAqparat - 2015 jyldyń 1 qazanynan bastap Astana qalasynyń Jolaýshylar kóligi jáne avtomobıl joldary basqarmasynynyń «Astana LRT» kompanııasymen birlesip, qoǵamdyq kólikterde tegin júrý quqyǵyna ıe turǵyndar sanaty úshin tólem kartalaryna buryn fotosýretterge túspegender úshin qaıta tirkeý bastaldy, dep habarlady astana.gov.kz.
Aıta keteıik, fotosýretke túsý tegin júrgiziledi jáne qoǵamdyq kólikterde elektrondyq júıe engizý aıasyndaǵy joba bolyp tabylady. Búgingi kúnde Astana qalasynda eki fototirkeý pýnkti jumys isteýde:
- Astana qalasy Jumyspen qamtý jáne áleýmettik baǵdarlamalar basqarmasy (Imanbaev k-si, 16, 1 qabattyń holynda). Jumys kestesi: 9.00 bastap 18.00 deıin.
- Zeınetaqy tóleý jónindegi memlekettik ortalyq (Imanbaev k-si, 16, 3 qabattyń holynda). Jumys kestesi: 9.00 bastap 18.00 deıin.
Eske salaıyq, jeńildikke ıe azamattar qataryna:
- UOS ardagerlerine jáne olarǵa teńestirilgen azamattar;
- jas jáne eńbek ótili boıynsha zeınetkerler;
- kópbalaly otbasy;
- múmkindigi shekteýli tulǵalar;
- 16 jasqa tolmaǵan múgedek balalar jatady.
Fototirkeýden ótý úshin tulǵanyń jeke kýáligi, sondaı-aq, Astana qalasynyń aýmaǵynda tirkelgenin rastaıtyn qujat qajet. Fototirkeý rásimi, sondaı-aq, jeke jol júrý kartasy tegin jasalynady. Atalmysh kartalar qoǵamdyq kólikterde elektrondyq júıe engizilgennen keıin ıelerine beriledi.
Aıta keteıik, qoǵamdyq kólikterde elektrondyq júıe engizý jol júrý aqysy máselelerin sheshedi, jolaýshylardyń kólikte lyq tolýyn azaıtady jáne jol júrý aqysy júıesinde keleńsiz jaǵdaıdy sheshedi. Jol júrý aqysynyń jańa júıesi halyqqa qyzmet kórsetý sapasyn jaqsartady.
Barlyq suraqtar boıynsha 57-47-77 call-ortalyǵyna habarlasa alasyzdar.
