Jeńildetilgen turǵyn úı baǵdarlamasyna 11 myńnan asa almatylyq qujat tapsyrǵan
«Almaty jastary» saıtynda ótinishter men qujattardy berý elektrondyq-tsıfrlyq qoltańba arqyly júzege asyryldy. Baǵdarlamaǵa qatysý úshin 11 199 ótinim berildi.
Ótinishterdiń basym bóligi bilim, densaýlyq saqtaý, áleýmettik sala men ishki ister organdarynyń qyzmetkerlerinen tústi. 1 maýsym saǵat 23:59-da ótinish qabyldaý tolyq aıaqtaldy. 2 maýysymnan bastap búkil ótinishter júkteledi.
Budan ári 20 jumys kúni ishinde kelip túsken ótinishterdiń baǵdarlama talaptaryna sáıkestigi tekserilip, ár sanatta jınalǵan ball sanymen tizim quralady. Atalǵan baǵdarlamanyń bıýdjeti 18 mlrd teńge.
Beriletin qaryzdyń eń joǵarǵy shegi - 18 mln teńgege deıin, paıyzdyq mólsheri 5%, bastapqy jarnasy - 10 paıyz. Bul baǵdarlamamen bastapqy jáne qaıtalama turǵyn úıdi satyp alýǵa bolady. Bıyl atalǵan baǵdarlamamen 1000 adamdy qamtý josparlanǵan.
«Almaty jastary» baǵdarlamasyna qujat qabyldaý 18 mamyrda bastalǵan bolatyn.
