Jeńildetilgen nesıe: 677 adam kooperatıvterge birikti
TALDYQORǴAN. QazAqparat - Bıyl Almaty oblysynda aýyl sharýashylyǵyn qarjylaı qoldaý qorynan 2 mlrd teńgege jýyq jeńildetilgen nesıe berildi. Nátıjesinde Yrys, Bereke jáne Yntymaq baǵdarlamary aıasynda 700-deı adam ózin-ózi jumyspen qamtyp otyr, dep habarlaıdy QazAqparat tilshisi.
Aqsý aýdanyna qarasty Sýyqsaı jáne Arasan aýylynyń turǵyndary kooperatıv quryp, ortaq iske kóshti. Qatarynda alty balanyń ákesi Beken Aqyltaı da bar. Jeńildetilgen nesıege mal aldy, azyǵyn rettedi. Endi balalaryn eńbekke baýlyp, tabys taýyp jan baǵýda.
"Áýelde birde bir bas maly bolmaǵan otbasymnyń búginde qorasynda 5 sıyry bar. Endi mal alyp, osydan ary qaraı sharýashylyqty damytsaq degen nıetimiz bar", - deıdi Beken Aqyltaı.
Aqsý aýdanynyń eki aýylyna ortaq sút jınaıtyn kooperatıv ashylyp, oǵan 35 otbasy múshe boldy.
Qazir ár qaısynyń qorasynda keminde 4-5 sıyrdan. Kooperatıv sútti jınap, iri sút óndirýshi kompanııalarǵa ótkizedi. Sút zaýyttary aýyldaǵy aǵaıyndardy salqyndatqysh ydystarmen qamtamasyz etken. «Baq qon» degen ataý alǵan kooperatıv tóraǵasy aldaǵy ýaqytta sútti tek shıkizattaı ótkize bermeı, óńdeý jumystaryn alǵa qoıǵysy keledi. Aýylǵa tseh ashyp, sútten súzbe, qaımaq, ıogýrt syndy ónim shyǵarýdy josparlap otyr.
«Jalpy Almaty oblysynda kooperatıvterdiń 677 múshesi 1 mlrd 900 mln teńge nesıe aldy. Aýyl sharýashylyǵyn qarjylaı qoldaý qory nesıeni tómen 6 paıyzben 7 jylǵa deıin beredi», - deıdi oblystyq fılıal tóraǵasynyń orynbasary Nurlan Nyǵmetov.
Onyń aıtýynsha kooperatıvke múshe bolǵysy keletin aýyl turǵyndary áli dep kóp.
Bıyl úlgermegenderge kelesi jylǵa qujat jınaı berýlerine bolady deıdi, sala mamandary.
