Jeńildetilgen avtonesıe berý halyq úshin úlken qoldaý – sarapshy
NUR-SULTAN. QazAqparat – Qazaqstanda ýtıl alymnyń stavkasy jeńildeı tústi jáne otandastyrymyzdyń óz kóliginiń bolýy úshin arnaıy baǵdarlama qabyldanyp jatyr. Osy oraıda avtokólik salasynyń mamandary ne deıdi? Atalǵan máselege qatysty Qazaqstannyń «Avtobıznes» qaýymdastyǵynyń strategııalyq damý bóliminiń dırektory Darhan Aıdaýylov pikir bildirdi, dep habarlaıdy QazAqparat tilshisi.
«Biz qaýymdastyq atynan ýtıl alymǵa qatysty óz oıymyz ben usynysymyzdy buǵan deıin de aıtyp kelemiz. Birinshiden, Qazaqstan-Belarýs-Reseı elderi arasynda biryńǵaı ýtılızatsııalyq júıe ornaǵan. Atalǵan júıege sáıkes jáne Qazaqstan Eýrazııalyq ekonomıkalyq odaqqa múshe el retinde básekege qabilettiligin saqtap qalý qajet. Ekinshiden, ár tarap ıaǵnı Reseı bolsyn, Belarýs bolsyn olar ishki naryǵynyń qamyn oılaıdy. Onyń eki mehanızmi bar: tarıftik jáne tarıftik emes. Tarıftik mehanızm degenimiz ol ishki naryqtaǵy ýtıl alymy, al tarıftik emes degen sóz tehnıkalyq retteý. Atalǵan elder arasynda biryńǵaı kelisim bolǵandyqtan qosymsha qun salyǵy tólenbeıdi», - dedi Darhan Aıdaýylov.
Sondaı-aq, maman jańa engizilgen avtonesıe baǵdarlamasyna qatysty oıyn ortaǵa saldy.
«Otandyq kólikterdi satyp alý úshin 100 mlrd teńge jeńildetilgen avtonesıe berý halyq úshin úlken qoldaý. Sebebi elimizde satylatyn avtomobılderdiń 75 paıyzy bıýdjettik kólikter. Osy turǵydan alǵanda atalǵan másele halyqtyń múddesine oraı sheshilip otyr. Jańashyldyq halyq ıgiligine jaraıdy degen senimdemin», - deıdi ol.
Onyń aıtýynsha, elimizde avtokólik naryǵy jyl sanap ósip keledi.
«Qazaqstanda jańadan satylatyn kólikterdiń úlesi ósip kele jatyr. Sonymen qatar elimizde kólik ıesiniń de sany artyp keledi. ıAǵnı, ár otbasyda bir kólikten bar desekte bolady. Sońǵy ýaqytta engizilip jatqan jańashyldyqtar qazaqstandyqtardyń óz kóligi bolýyna múmkindik jasap otyr. Avtokólikke qatysty taǵy bir mańyzdy jaıt, Qazaqstan alyp-satar el bola ma álde ındýstrııalyq aımaqqa aınala ma? Osy máseleniń basyn búgin ashý kerek. ıAǵnı istiń aq-qarasyn aıyryp, ony halyqqa jetkizý qajet», - dedi D. Aıdaýylov.
Aıta ketsek, buǵan deıin elimizde avtokólik ýtılalymy 50 paıyzǵa deıin tómendeıtini aıtylǵan edi.
Odan bólek, Qazaqstanda bastapqy jarnasyz jeńildetilgen jańa avtonesıe baǵdarlamasy jarııalandy.
