Jeńildetilgen avtonesıe: Aıyna qansha avtomobıl berilýi múmkin

ASTANA. QazAqparat – Premer-Mınıstrdiń birinshi orynbasary Roman Sklıar jeńildetilgen avtonesıe baǵdarlamasyna qatysty pikir bildirdi, dep habarlaıdy QazAqparat tilshisi.

«Sizder bul suraqpen birneshe márte júgindińizder. Men de san ret bul máselemen atalǵan qarajatty alyp otyrǵan «Báıterek» aınalysatyndyǵyn aıtqan edim», - dedi Roman Sklıar Úkimet otyrysynan keıin BAQ ókilderiniń saýalyna oraı.

Sonymen qatar ol qaıta qarjylandyrý esebinen aı saıyn qansha avtomobıl beriletindigin atap ótti.

«Iá, shyndyǵynda qaıta qarjylandyrý arqyly aı saıyn tek bar bolǵany 400-500 avtomobıldi jańartpaly negizde berýge bolady. Al kólik satyp alǵysy keletin adamdardyń sany 100 myńnan asyp jyǵylady. Sondyqtan «Báıterek» qazirgi ýaqytta atalǵan qarajatty qalaı paıdalanýǵa bolatyndyǵyna qatysty túrli nusqany qarastyryp jatyr», - dedi birinshi vıtse-premer.