Jeńildetilgen avtonesıe alýǵa 5161 ótinish qanaǵattandyryldy - QDB

ASTANA. QazAqparat - «Qazaqstan Damý Banki» jeńildetilgen avtonesıe baǵdarlamasy boıynsha jeke tulǵalardyń 5161 ótinishin qanaǵattandyrdy. Bul týraly búgin Ortalyq kommýnıkatsııalar qyzmetinde ótken brıfıngte «Qazaqstan Damý Banki» AQ Basqarma Tóraǵasy Bolat Jámishev málim etti.

«Qarjylandyrý sharttaryna sáıkes jeńildetilgen avtonesıe baǵdarlamasy aıasynda 5161 ótinish qanaǵattandyryldy. Ol boıynsha 16 mlrd. 904 mln. teńgege Qazaqstanda qurastyrylǵan avtokólik satyp alynady. 11 aqpandaǵy jaǵdaı boıynsha alty bank-agentke 4523 avtokólik satyp alý úshin 14,5 mlrd teńge bólindi», - dedi Bolat Jámishev.

Onyń aıtýynsha, avtonesıe boıynsha Ulttyq qordan bólingen 15 mlrd teńge qarajattyń birinshi transhy 87 paıyzǵa ıgerilgen. Halyq 13 mlrd teńgege avtonesıe alǵan. 2016 jyly bólingen 11 mlrd. teńge 12,7 paıyzǵa ıgerilip, 1,4 mlrd. teńgege avtonesıe berilgen.