Jeńil-jelpi jol erejesin buzǵandarǵa aıyppul kólemi tómendetilmek
ASTANA. QazAqparat - Qazaqstanda jol erejesin jeńil-jelpi buzǵandarǵa salynatyn aıyppul kólemi tómendetiledi. Bul jaıynda QR Іshki ister mınıstrligi Memlekettik til jáne aqparat departamentiniń dırektory Almas Sadýbaev óziniń Feısbýktegi paraqshasynda jazdy dep habarlaıdy QazAqparat.
«Memleket basshysynyń tapsyrmasyn júzege asyrý maqsatynda Ádilet mınıstrligimen jáne basqa da memlekettik organdarmen birlesip, ákimshilik zańnamany odan ary izgilendirý boıynsha sharalar ázirlenýde. Búgingi kúni vedomstvoaralyq jumys toby jol qozǵalysy salasyndaǵy jeńil-jelpi ákimshilik quqyq buzýshylyqtyń 14 quramy boıynsha aıyppuldy tómendetý usynysyn ázirledi. Aıta keterligi, jol-kólik apatynyń negizgi sebepteri sanalatyn Jol qozǵalysy erejelerin óreskel buzýlarǵa qatysty aıyppuldardy tómendetý josparlanyp otyrǵan joq», - dep jazdy Almas Sadýbaev.
