Jeńil salmaqtaǵy brıtandyq boksshy ázildep, Golovkındi jeńýge ýáde berdi
ASTANA. QazAqparat - Boxingscene.com jýrnalısi Ellıot Foster qaıyrymdylyq bastama úshin jeńil salmaqtaǵy brıtandyq boksshy Derrı Metıýspen (38-12-2, 20 KO) bir-eki raýnd judyryqtasýǵa kelisti, dep habarlady Sports.kz.
«Kórgenshe asyǵyp otyrmyn! Bul jýrnalısti jeńgeniń jaqsy, óıtkeni GGG sen úshin tym qaýipti!» - dep bul jańalyqqa pikirin bildirdi Metıýstiń áriptesi Tom Farrell (11-0, 3 KO).
«Ha-ha-ha! Golovkındi uryp-jyǵamyn! Al Fostermen aıqasqa kásibı jarys dep qaraımyn!» - dep jaýap berdi tvıtterinde oǵan Metıýs.
Eske salsaq, qazaqstandyq boksshy Gennadıı Golovkın (37-0, 33 KO) maýsymda brıtandyq WBO chempıony Bıllı Djo Sonderspen (24-0, 12 KO) kezdesýi tıis bolǵan, alaıda bul aıqas bolmaıtyn syńaıly. GGG qyrkúıekte ótetin meksıkalyq Saýl Alvareske (48-1-1, 34 KO) qarsy jarysqa ázirlenbek.
