Jeńil ónerkásip salasynda 40 kásiporyn jabylyp, 6 myń adam jumyssyz qalýy múmkin
ASTANA. QazAqparat - Astanada memlekettik qorǵanys tapsyrysynan otandyq jeńil ónerkásip óndirýshilerdiń qatysýyn alyp tastaý máselesi qaraldy, dep habarlaıdy QazAqparat tilshisi.
Ústimizdegi jyldyń jeltoqsan aıynda Parlament Májilisinde «Qorǵanys ónerkásibi jáne memlekettik qorǵanys tapsyrysy týraly» zań jobasy men «Qorǵanys jáne aeroǵarysh qyzmeti máseleleri jónindegi birqatar zańnamalyq aktilerge ózgertýler men tolyqtyrýlar engizý týraly» zań jobasyn talqylaý aıaqtaldy.
Ol boıynsha zańdy tulǵalardyń ýaqytsha birlestikteri (konsortsıým) memlekettik qorǵanys tapsyrmalaryn oryndaýshylar tizimine engizildi. Sondaı-aq, jeńil ónerkásip kásiporyndaryna qorǵanys salasy úshin zattaı múlik óndirý jáne ony tasymaldaýǵa uzaqmerzimdi kelisimsharttar jasaýǵa múmkindik berilýi tıis.
«Jeńil ónerkásip - el ekonomıkasynyń mańyzdy kúretamyry. Búginde atalǵan salada 12 myńnan asa qazaqstandyq jumys isteıdi. Jeńil ónerkásiptiń 80% shaǵyn jáne orta kásipkerlerden turady, ústimizdegi jyldyń qańtar-qazan aılarynyń esebi boıynsha salada 67 mlrd teńgeniń ónimi óndirildi. Bul ótken jylmen salystyrǵanda 2-3% artyq», - dedi Jeńil ónerkásip ónimderin óndirýshiler odaǵy prezıdentiniń keńesshisi Batyrbek Áýbákirov.
Onyń aıtýynsha, ókinishke qaraı jeńil ónerkásip ónimderin eksporttaý kólemi 11% azaıǵan, búginde ol 133 mln AQSh dollaryn quraıdy.
«Qorǵanys jáne aeroǵarysh ónerkásibi mınıstrligi ázirlegen atalǵan zań jobasy jaqyn kúnderi Senat otyrsynda talqylanady. Mınıstrlik zańǵa engizilgen ózgeristerge qaramastan zańdy tulǵalardyń birlestigin memlekettik qorǵanys tapsyrysyn oryndaýshy retinde qabyldamaı qoıdy. Osylaısha mınıstrlik konsortsıýmdardyń 2016 jyldan bergi memlekettik qorǵanys tapsyrysy júıesindegi oń jumys nátıjesin bile tura oǵan tyıym salyp otyr. ıAǵnı, zaýytaralyq kooperatsııa modelin elemeı, oǵan qysym jasaýda. Bul óz kezeginde jeńil ónerkásip salasynyń tıimdi óndiristik qyzmetine qaýip tóndiredi», - dedi «Jasampaz» otandyq óndirýshiler konsortsıýmy atqarýshy keńesiniń tóraıymy Gúlmıra Ýahıtova.
Onyń aıtýynsha, ózgerister engizilgen zań jobasy qabyldansa, ol saladaǵy 40-tan astam ónerkásiptiń jabylýy men jappaı jumyssyzdyqqa alyp keledi. Bul degenimiz - elimizdiń 13 óńirindegi 6 myńnan astam jumysshy, onyń 90% - áıelder.
«Bizdiń konsortsıým qurylǵan eki jyldyń ishinde elimizdegi mata, fýrnıtýra jáne daıyn ónim óndirýshilerdiń basyn biriktire bildi. Sol arqyly aıqyndalǵan maqsattarǵa jetý úshin kásiporyndardy biriktirý tıimdiligin dáleldedi. Memlekettiń qorǵanys tapsyrmasyn oryndaý jónindegi kelisimshartqa sáıkes «Jasampaz» konsortsıýmy 2016 jyldan bastap 5 jyldyń ishinde jeńil ónerkásipti jańǵyrtý men jańa óndiris oshaqtaryn qurýǵa jáne shıkizat kólemderin kóbeıtýge 6,1 mlrd teńge kóleminde ınvestıtsııa baǵyttaý mindettemesin qabyldady. Qazirgi tańda jeńil ónerkásip salasyna 5,4 mlrd teńge ınvestıtsııa quıyldy», -dedi G. Ýahıtova.
Osylaısha elimizdiń jeńil ónerkásip óndirýshileri QR Parlamenti Senatynyń depýtattarynan atalǵan problemaǵa nazar aýdaryp, otandyq jeńil ónerkásip óndirýshilerdiń pikirin eskerýdi suraıdy.
