Jeńil kólik Pavlodardaǵy sot ǵımaratyna soǵyldy

PAVLODAR. QazAqparat – Pedaldy shatastyryp alǵan Pavlodar qalasynyń turǵyny sot ǵımaratyna kirip ketken, dep habarlaıdy QazAqparat Polisia.kz saıtyna silteme jasap.

2 shildede saǵat 21:45-te Pavlodar qalasynyń 29 jastaǵy turǵyny Dúısenov kóshesi, 11 meken-jaıynda ornalasqan № 2 sot ǵımaratynyń qorshaýy men kire berisine óz kóligimen kirip ketken.

Polıtsııa qyzmetkerleri jol-kólik oqıǵasyna nemquraılylyq sebep bolǵanyn anyqtady. Kólik júrgizýshisi «Toyota Camry» markaly kóligin turaqqa qoıý kezinde pedaldy shatastyryp, metall dýal-qorshaýǵa, odan keıin ǵımarattyń kireberisine soǵylǵan.

Saraptama qorytyndysy boıynsha júrgizýshi saý bolǵan. Keltirilgen zalal mólsheri anyqtalǵannan keıin ol QR ÁQBTK «Adam densaýlyǵyna zııan keltiretin, kólik quraldaryna nemese basqa múlikke nuqsan keltiretin kólik quraldarynyń júrgizýshileriniń jol erejelerin buzýy» babynyń birinshi bóligi boıynsha ákimshilik jaýapkershilikke tartylady.