Jeńil formada aýyrǵandardy da vaktsınalaý kerek bolady - maman
NUR-SULTAN. QazAqparat – Jeńil formada aýyryp shyqqandar úshin ornyqty jasýsha ımmýnıtetin qoldaýǵa vaktsınalaý kerek bolady.
Bul týraly UMS klınıkalyq ımmýnologııa, allergologııa jáne pýlmonologııa baǵdarlamasynyń jetekshisi, «AstMÝ» KeAQ Nefrologııa, gematologııa, allergologııa jáne ımmýnologııa kýrsymen ishki aýrýlar kafedrasynyń aǵa oqytýshysy Elena Kovzel aıtty, dep habarlaıdy QazAqparat tilshisi.
«Ǵylymı negizdelgen málimetterge toqtalsaq, aýyryp shyqqan patsıentterde úshinshi-altynshy aıda antıdenelerdiń nóldik deńgeıge deıin tómendegenin kórip júrmiz. Atalǵan adamdarda saqtalatyn jasýsha ımmýnıteti jetkiliksiz bolýy múmkin. Jeńil formada aýyrǵandarda ornyqty jasýsha ımmýnıtetin qoldaý úshin vaktsınalaý qajet ekeni anyq», - dedi E. Kovzel Ortalyq kommýnıkatsııalar qyzmetinde.
Onyń aıtýynsha, patsıenttiń densaýlyq jaǵdaıyna baǵalaý júrgizip otyrý kerek.
Qandaı da bir vırýstyq ınfektsııanyń, aýtoımmýndyq aýrýlardyń bolýyn tekserý úshin ekpe saldyrar aldynda mindetti túrde tekserý kerek.
Budan buryn Elena Kovzel koronavırýsqa qarsy vaktsına sıpattamasyn aıtyp berdi.
