Jeńil atletterimiz jabyq keshendegi Azııa oıyndarynda el qorjynyna 6 medal saldy
ASTANA. QazAqparat - Qazaqstandyq jeńil atletter Ashhabad qalasynda ótip jatqan jaýyngerlik óner túrleri boıynsha jabyq ǵımaratta ótetin V Azııa oıyndarynda sátti óner kórsetýde, dep habarlaıdy QazAqparat tilshisi.
Áıelder arasynda 60 metrge júgirýde Vıktorııa Zıabkına 7.32 sekýndtyq nátıjemen altyn, Olga Safronova (7.43 sekýnd) qola medal jeńip aldy. Sondaı-aq, áıelder arasynda 400 metrge júgirý synynda otandasymyz Elena Mıkına aldyna jan salmady. Elena 53.37 sekýndtyq nátıjemen jeńimpaz atandy. Al erler arasyndaǵy básekede Mıhaıl Lıtvın (46.51 sekýnd) úshinshi oryndy qanaǵat tutty.
Buǵan deıin habarlaǵanymyzdaı, Olga Rypakova men Marııa Ovchınnıkova áıelder arasynda úsh qarǵyp sekirýden 1 altyn, 1 kúmis medal enshilegen bolatyn.
