Jeńil atletterimiz Qytaıdan oljaly oraldy
ASTANA. QazAqparat - Jeńil atletterimiz Qytaıdyń Tszınhýa qalasynda ótken Azııa birinshiliginen oljaly oraldy, dep habarlaıdy QazAqparat tilshisi.
Atalmysh dodaǵa Qazaqstan atynan 16 sportshy (12 áıel, 4 er) qatysyp, arýlarymyz eki birdeı altyn medal jeńip aldy.
Alǵashqy altyndy Vıktorııa Zıabkına 100 metrlik qashyqtyqta júgirýden qanjyǵasyna baılasa, 4*100 estafetasynda qyzdarymyz ekinshi altyndy el qorjynyna saldy.
Ýnıversıada oıyndarynyń úsh dúrkin chempıony Vıktorııa Zıabkına 100 metr qashyqtyqty 11,44 sekýndta júgirip ótti. Ekinshi bolyp taǵy bir qazaqstandyq Olga Safronova 11,59 sekýnd nátıjesimen márege jetti.
Aıta ketsek, estafetada Rımma Kashafýtdınova (Qaraǵandy), Svetlana Golendova (Jambyl), Anastasııa Týlapına (Almaty) jáne ıÝlııa Rahmanova (Almaty) jarys jolyna shyqqan edi.
