Jeńil atletterimiz álem birinshiliginde baq synaıdy
ASTANA. QazAqparat - Qazaqstandyq jeńil atletter Londonda 4-13 tamyz aralyǵynda ótetin álem chempıonatyna qatysady, dep habarlaıdy QazAqparat tilshisi.
Halyqaralyq jeńil atletıka qaýymdastyǵy federatsııasy bul kúnderi atletterdiń álem chempıonatyna qatysatyn sportshylardyń qandaı normatıvterdi oryndaýy kerek ekenin de jarııa etti.
Londonǵa joldama alý úshin, sportshylardyń 2016 jyldyń 1-shi qazany men 2017 jyldyń 1-shi maýsymy aralyǵynda kórsetken kórsetkishi basty nazarǵa alynbaq eken. ıAǵnı, 5 aıdaǵy kórsetkishi normatıvte belgilengen sharttarǵa sáıkes kelse, Brıtanııa astanasynda ótetin birinshilikke joldama alady.
Al, belgilengen ýaqytqa deıin nemese sol ýaqyttan keıin jasalǵan jetistikter eskerýsiz qalmaq. Osynyń arqasynda, elimizdiń 5 atleti normatıvti merziminen buryn aıaqtap, lıtsenzııaǵa qol jetkizdi. Taǵy 4 sportshy sporttyq júristen, 1 sportshy marafonnan normatıvte belgilengen tapsyrmany oryndap qoıǵan. Endi aldaǵy kúnderi bu sportshylardyń qatary artýy múmkin.
