Jeńil atletıkadan Qazaqstan jasóspirimder quramasy Azııa chempıonatynda 3-oryn aldy
ASTANA. QazAqparat - 27-30 sáýir aralyǵynda Ózbekstan Respýblıkasynyń astanasy - Tashkentte 18 jasqa deıingi uldar men qyzdar arasynda jeńil atletıkadan V Azııa chempıonaty ótti. Jarysqa Azııanyń 29 elinen 300-den astam sportshy qatysty, dep habarlaıdy QazAqparat Jeńil atletıka federatsııasynyń baspasóz qyzmetine silteme jasap.
Qazaqstan qurama komandasynyń quramyna 58 sportshy kirdi, bul - bizdiń jasóspirimder komandasynyń qatysý tarıhyndaǵy rekordtyq kórsetkish.
Jarys barysynda Qazaqstan quramasynyń sportshylary 3 altyn medal jeńip aldy: Anastasııa Koloda - kedergilermen 400 metr, Ivan Senıng – onsaıys, Irına Konışeva – jetisaıys.
6 sportshy kúmis medal ıelendi: Ekaterına Koloda – kedergilermen 400 metr, Kabırova Elmıra – syryqpen sekirý, Sofıa Kıdenko – 400 metr, Malıýgına Arına – bıiktikke sekirý, Bolatbekqyzy Aıana – 1500 metr, áıelder qurama estafetalyq komandasy.
Qazaqstan quramasynyń 5 sportshysy qola medal jeńip aldy: Nurdáýlet Maman – naıza laqtyrý, ıAkımenko Elızaveta – qatarynan úsh ret sekirý, Grıgoreva Bogdana – 3000 metr, Balabın Maksım – syryqpen sekirý, Muhametqalı Reza – syryqpen sekirý.
Nátıjesinde jeńil atletıkadan Qazaqstan jasóspirimder quramasy Azııa chempıonatynda 3-oryn aldy.
