Jeńil atletıkadan Azııa Gran-prı jarysyna 6 qazaqstandyq attanýy múmkin
ASTANA. QazAqparat - Sáýir aıynyń sońynda Qytaıda jáne Taıbeıde ótetin jeńil atletıkadan Azııanyń Gran-prı jarysyna 6 qazaqstandyq sportshy attanady dep josparlanýda. Bul týraly Qazaqstannyń Jeńil atletıka federatsııasy xabarlady.
Qazaqstan atynan qaı sportshynyń attanatyndyǵyn Azııanyń jeńil atletıka qaýymdastyǵy sheshedi.
Gran-prıdiń birinshi jáne ekinshi kezeńderi Qytaıdyń Djıahıng (24 sáýir) jáne Djınhýa (27 sáýir) qalalarynda ótedi. Úshinshi kezeńniń ótkiziletin jeri retinde Taıbeı (30 sáýir) tańdalyp otyr.
Azııa Gran-prı dodasy - jeńil atletıka sport túrleriniń árqaısysyna tek 8 sportshydan shaqyrylatyn bedeldi jarystardyń biri. Іrikteý azııalyq reıtıngke baılanysty ótedi. Oǵan úzdik segizdiktegi sportshylar ǵana qatysa alady.
Qatysýshylardy tańdaýdyń osy texnologııasyna qaraıtyn bolsaq, Azııa Gran-prı jarysyna bizdiń eldiń jeńil atletıka federatsııasynyń bergen tizimi boıynsha erler arasynda 6 qazaqstandyq sportshy qatysa alady.
Olar: 400 metrlik qashyqtyqta - Mıhaıl Lıtvın, úsh qarǵyp sekirýde - Roman Valıev pen Evgenıı Ektov, bıiktikke sekirýden - ıÝrıı Dergachev pen Roman Loshkarev, ıadro laqtyrýdan - Ivan Ivanov.
Degenmen bul sportshylardyń tizimge iligetini ne ilikpeıtini áli belgisiz. Azııanyń jeńil atletıka qaýymdastyǵy jaqyn kúnderi irikteý nátıjelerin jarııa etedi.
