Jeńil atletıkadan Azııa chempıonaty: Qazaqstan qorjynynda taǵy úsh medal
ASTANA. QazAqparat - Astanada ótip jatqan jeńil atletıkadan jabyq keshendegi Azııa chempıonatynda bıiktikke sekirý dıstsıplınasynda barlyq júldeni qazaqstandyq sportshylar ıelendi, dep habarlaıdy QazAqparat.
Mundaı jaǵdaı qurlyqtyq doda tarıhynda alǵash ret tirkeldi.
Bıiktikke sekirýde medaldardyń barlyq úsh jıyntyǵyn jeńip alǵan qazaqstandyq qyzdar: «Altyndy» Nadejda Dýbovıtskaıa (kórsetkishi - 1.89), «kúmisti» Krıstına Ovchınnıkova (1.89), «qolany» Elızaveta Matveeva (1.84 santımetr) ıelendi.
Ázirge Qazaqstan quramasynyń qorjynynda 3 altyn, 3 kúmis jáne 2 qola júlde bar.
Buǵan deıin el quramasynan Karolın Chepkoech 3000 metrge júgirýden máre syzyǵyn birinshi bolyp qısa, Elına Mıhına áıelder arasynda 400 metrge júgirýde top jardy.
Al erler arasynda 400 metrge júgirýde qazaqstandyq Mıhaıl Lıtvın, 60 metrge júgirýde qazaqstandyq Olga Safronova kúmis júldeni jeńip aldy.
Aqbaıan Nurmamet 1500 metrge jarysta qola júldeger atandy.
Foto: prosports.kz
