Jeńil atletıkadan Astanadaǵy Azııa chempıonatynda 31 eldiń 360 sportshysy baq synamaq
ASTANA. QazAqparat – Búgin Astana qalasynda jeńil atletıkadan 10-shy Azııa chepıonaty bastaldy. Jarys 10-12 aqpan aralyǵynda ótedi, dep habarlaıdy QazAqparat tilshisi.
Bul týraly federatsııa prezıdenti Danıal Ahmetov birinshiliktiń aldynda ótken baspasóz konferentsııasynda aıtty.
«Memleket basshysy Qasym-Jomart Toqaevtyń qoldaýymen 10-12 aqpan kúnderi elordamyz Astana qalasyndaǵy biregeı keshende jeńil atletıkadan onynshy Azııa chempıonaty ótedi. Chempıonat TMD elderi aýmaǵynda alǵash ret ótkizilip otyr. Jarysqa 31 elden kelgen 360 sportshy qatysady dep josparlanǵan. Olar jeńil atletıkanyń 26 túrinen saıysqa túsedi. Chempıonat barysynda halyqaralyq dárejedegi 88 bilikti maman tóreshilik etedi», - dedi ol.
Onyń sózine qaraǵanda, chempıonat kezinde 201 volonter kómek kórsetedi.
«QR Jeńil atletıka federatsııasynyń prezıdenti retinde sońǵy jyldary bul sport túrine degen qyzyǵýshylyq artyp kele jatqanyn erekshe atap ótkim keledi. Ulttyq quramaǵa 43 sportshy jáne 20 jattyqtyrýshy kiredi. Elimizde barlyǵy 11 myńnan astam jeńil atlet bar», - dedi Danıal Ahmetov.
Foto: gov.kz
