Jeńil atletıkadan álem chempıony Torrın Loýrens jol apatynan qaza tapty
ASTANA. QazAqparat – Jeńil atletıkadan álem chempıony amerıkandyq Torrın Loýrens kólik apatynan mert boldy, dep habarlady jergilikti BAQ.
Qaıǵyly oqıǵa túnde 25 jasar atlet jattyǵýdan keıin Djeksonvıldegi úıine kele jatqan jolda bolǵan. Dońǵalaǵy jarylǵan Loýrens mashınasyn toqtatyp syrtqa shyqqan mezette qatty jyldamdyqpen kele jatqan úlken júk kóligi avtomobıldi de, sportshy da janshyp óte shyqqan. Loýrens alǵan jaraqattan oqıǵa ornynda kóz jumdy.
2014 jyly mamyrda Nassaýda (Bagama) bolǵan jeńilatletıkalyq estafetada sportshy AQSh komandasynyń quramynda altyn ıelengen bolatyn. Al shildede Loýrens Belgııadaǵy týrnırde 400 metrlik qashyqtyqty 45,32 sekýndta baǵyndyryp, óziniń jeke rekordyn ornatty.
