Jeńil atletıkadan ÁCh: Qazaqstandyq atletter qaı kúni jarysqa shyǵady
NUR-SULTAN. QazAqparat – 27 qyrkúıek kúni Katar astanasy Dohada bastalatyn jeńil atletıkadan álem chempıonatydaǵy qazaqstandyq sportshylardyń jarys kestesi jarııalandy, dep habarlaıdy QazAqparat tilshisi.
QR Ulttyq olımpıadalyq komıteti habarlaǵandaı, 28 qyrkúıek kúni Nur-Sultan ýaqytymen 19:30-da Olga Safronova jarysty bastaıdy. Ol 100 metrge júgirýden irikteý synyna qatysady. Bul qashyqtyqtaǵy jartylaı fınal 30 qyrkúıek kúni 00:20-da, al fınal túngi 02:20-da ótedi.
200 metrge júgirýshiler arasyndaǵy jarys 30 qyrkúıek kúni 20:05-te bastalady. Bul synda qazaqstandyq Mıhaıl Lıtvın baq synaıdy. Ol 400 metrge júgirýden 1 qazan kúni 19:35-te synǵa túsedi. Jartylaı fınaldyq syn 2 qazan kúni 23:35-te, fınaldyq doda 4 qazan kúni túngi 01:20-da ótedi.
Ulttyq qurama úzdigi Olga Rypakova 3 qazan kúni 19:40-ta jarysty bastaıdy. Bul básekeniń fınaly 5 qazan kúni 23:35-ke josparlanǵan.
Jarystyń segizinshi kúni sporttyq júristen Georgıı Sheıko synǵa túsedi. Ol 20 shaqyrymǵa jarysta el namysyn qorǵamaq. Bul báseke túngi 02:30-da bastalmaq.
Al ıAdro laqtyrýshy Ivan Ivanov 5 qazan kúni 23:05-te jarys jolyna shyqsa, áıelder estafetasynan irikteý kezeńi 4 qazan kúni 23:40-ta bastalady. Fınal 5 qazan kúni 01:05-ke josparlanǵan.
