Jeńil atletıkadan ACh: Federatsııa tóraǵasy Danıal Ahmetov daıyndyq barysyn tekserdi
ÓSKEMEN. QazAqparat – Qazaqstanda jeńil atletıkadan Azııa chempıonatyn ótkizýge daıyndyq júrgizilýde, dep habarlaıdy QazAqparat tilshisi.
2022 jyly elimizde jeńil atletıkadan Azııa chempıonaty ótkizilmek. Qazaqstan jeńil atletıka federatsııasynyń tóraǵasy Danıal Ahmetov aýqymdy dodany qabyldaý maqsatynda atqarylyp jatqan jumystar barysyn tekserdi.
«Kelesi jyly el aýmaǵynda jeńil atletıkadan Azııa chempıonatyn ótkizemiz. Bul bizdiń sportshylarymyzdyń naǵyz sheberligin kórsetýge ǵana emes, álemdik deńgeıdegi jarystardy ótkize alatynymyzdy dáleldeý úshin úlken múmkindik beredi. Chempıonattyń uıymdastyrý komıtetiniń keńesi boldy. Nur-Sultan qalasynda ornalasqan «Qazaqstan« jeńil atletıkalyq kesheninde atletter men jankúıerler úshin naǵyz sporttyq mereke uıymdastyrý úshin barlyq jaǵdaı jasalǵan», - dedi Danıal Ahmetov.
Sondaı-aq federatsııa tóraǵasy 11-13 aqpan aralyǵynda bolatyn Azııa chempıonatyn ótkizý úshin qurylǵan negizgi arenany, qosymsha ǵımarattar men jabdyqtardyń jaǵdaıyn tekserdi.
