Jeńil atletıkadaǵy Qazaqstannyń jetistiktigi
ASTANA. 18 qarasha. QazAqparat - Bıylǵy jyly Qazaqstan jeńil atletıkasy da buryn sońdy bolmaǵan iri tabysqa qol jetkizdi - bir Olga Rypakovanyń arqasynda.
Alaman.kz sport agenttiginiń jazýynsha, úsh qarǵyp sekirýdiń sheberi sanalatyn atlet naýryz aıynda ótken jabyq alańdaǵy álem chempıonatynda kúmis júldege ıe boldy. Stambýl tórindegi synda Rypakova tek Ulybrıtanııa sportshysy ıAmıle Aldamaǵa ese jiberip, tuǵyrdyń ekinshisi satysyna taban tiredi.
Jyl boıǵy Gaýhar lıga jarysy da bizdiń atletter úshin sátti boldy. Olga Rypakova bes altyn, bir kúmis, bir qola júlde alsa, Marına Aıtova eki kezeńde úshtikti qorytyndylady.
Al aqpan aıynda basqa sportshylarymyz Qytaıdyń Hanjoý qalasynda ótken jabyq alańdaǵy Azııa chempıonatynda qazaqstandyq sportshylar 2 altyn, 3kúmis, 1 qola júlde ıelenip, jalpy esepte úshinshi oryn alǵan edi. Jetisaıystan Dmıtrıı Karpov altyn alsa, onyń jary Irına Karpova bessaıys qorytyndysy boıynsha Azııa chempıony atandy. Uzyndyqqa sekirýde Anastasııa Kýdınova men 60 metrge kedergiler arqyly júgirýde Natalıa Ivanovskaıa ekinshi oryn aldy.
Mamyr aıynda Taılandtyń bas shahary Bankongta ótken Azııa Gran-Prıiniń birinshi kezeńinde úsh qarǵyp sekirý sektorynda Roman Valıev - altyn, Evgenıı Ektov - kúmis medal enshiledi. 400 metrge kedergiler arqyly júgirýde Tatıana Azarova kúmis, balǵa laqtyrý jarysynda Aleksandra Fısher kúmis júlde ıelendi. Al Gran-prıdiń ekinshi kezeńin Taılandtyń Kanchanabýrı qalasy qabyldady. Bul kezeńde Roman Valıev qola júldeni qanaǵat tutty. 100 metrge júgirýde Vıktorııa Zıabkına kúmis, Natalıa Ivanovskaıa men Tatıana Azarova qola ıelendi. Úshinshi kezeńin Taı eliniń Chonbýrı qalasy qabyldady. Bul synda Roman Valıev taǵy da qola, Vıktorııa Zıabkına men Natalıa Ivanovskaıa, Aleksandra Fısher kúmis, Tatıana Azarova qola júlde enshiledi.
Aıtpaqshy, mamyrda Italııada ótken «Chellendj» serııasyndaǵy synda Dmıtrıı Karpov bir altyn alǵan.
