Jeńil atletıkadaǵy álemdik rekordtardy joqqa shyǵarý usynyldy
ASTANA. QazAqparat - Halyqaralyq sporttyq baspasóz qaýymdastyǵynyń basshysy (AIPS) Djannı Merlo Halyqaralyq jeńil atletıkalar qaýymdastyǵynyń prezıdenti (IAAF) Sebastıan Koýǵa osy sport túrinen barlyq rekaordtardy joqqa shyǵarýdy usyndy. Ashyq hattyń mátini 3 jeltoqsan, seısenbi kúni AIPS saıtynda jarııalandy.
«Eger dopıng máselesi sonshalyqty ýshyqqan bolsa, jaǵdaı qazir qalaı boldy eken. Menińshe, jeńil atletıka boıynsha álemdik rekordtar kitabyn jaýyp tastap, jańasyn ashatyn ýaqyt jetti»,-dep esepteıdi Merlo.
Onyń sózinshe, bundaı qajettiliktiń týyndap otyrǵan sebebi - kóptegen Olımpıada chempıondary men rekordshylary ózderiniń marapattarynan dopıngtiń kesirinen aıyryldy. «Sol sebepti endi jeńil atletıkanyń jańa kezeńin ashsa keremet bolar edi. Ol bolashaq býynnyń úmitin oıatar edi»,-delingen hatta.
2016 jyldyń qańtar aıynda týra osyndaı usynyspen Ulybrıtanııanyń jeńil atletıka federatsııasynyń prezıdenti Ed Ýorner de shyqqan bolatyn, dep jazady lenta.ru.
