Jeńil atletıka: Ýseın Bolt - Álemniń 10 dúrkin chempıony
ASTANA. QazAqparat - Qytaı astanasy Beıjińde ótip jatqan álem chempıonatynda ıamaıkalyq jelaıaq Ýseın Bolt 200 metrlik jarysta jeńimpaz atandy. Sóıtip, ol álemniń 10 dúrkin chempıony atyndy.
Ol rekordtyq kórsetkish kórsetken joq, degenmen aıqyn jeńiske jetýge 19,55 sekýndtyq nátıje jetip jatyr. Onyń basty básekelesi amerıkalyq Djastın Getlıng jeńimpazdan 0,19 sekýndqa qalyp, kúmis júldeni enshiledi.Jarystyń búgingi baǵdarlamasy osy erler arasynda 200 metrlik jaryspen aıaqtaldy. Erteń erler men áıelder arasynda 100 metrge kedergiler arqyly júgirý jarystary ótedi. Árıne onda múldem basqa sortshylardyń, ıaǵnı, kedergiler arqyly júgirý sportyna ábden mashyqtanǵan sańlaqtardyń mereıi ústem bolmaq. Aıta keteıik, biz buǵan deıin dańqty jelaıaqtyń 10-shy márte álem chempıony atanýy múmkin ekendigin habarlaǵan bolatynbyz.
