Jeńil atletıka: Otandasymyz álem chempıonatynyń jartylaı fınalyna óte almady
ASTANA. QazAqparat - Fınlıandııanyń Tamper qalasynda ótip jatqan jasóspirimder arasyndaǵy álem chempıonatynda qazaqstandyq Davıd Efremov irikteýden asa almady, dep habarlaıdy QazAqparat tilshisi.
QR Jeńil atletıka federatsııasy taratqan málimetke súıensek, 110 metrge tosqaýyldar arqyly júgirgen qaraǵandylyq sportshy óz tobynda tórtinshi oryndy qanaǵat tutty. Al jartylaı fınalǵa ár toptan úsh atlet jáne ýaqyt kórsetkishi joǵary taǵy úsheýi ótti. Jalpy, bul saıys túrine 55 sportshy qatysty. Olar jeti topqa bólinip júgirdi.
Efremov favorıttermen bir topqa tústi. Mysaly, ıamaıkalyq Demıan Tomas irikteýde atalǵan qashyqtyqty 13.41 sekýndta, jartylaı fınalda 13.37 sekýndta júgirip ótti. Sondaı-aq onyń aldyn Jason Nıkolson (Ulybrıtanııa) men Jozef Anderson (AQSh) kesti.
19 jastaǵy qazaqstandyq atlet márege 14.01 sekýndta jetti. Mundaı ýaqyt kórsetkishimen jartylaı fınalǵa shyǵý múmkin emes. Sońǵy orynmen ótken belgııalyq sportshynyń ózi 13.82 sekýndta júgirgen.
Aıta keteıik, Davıdtiń jeke rekordy Gıfýdegi Azııa chempıonatynda tirkelgen (13.79 sek).
