Jeńil atletıka: O Rypakova Shanhaıdaǵy «Gaýhar lıganyń» birinshi kezeńinde altyn medaldi jeńip aldy
ASTANA. Mamyrdyń 24-i. QazAqparat /Ernur Aqanbaı/ - Qazaqstandyq jeńil atletshi Olga Rypakova jeksenbi kúni Shanhaıda ótken «Gaýhar lıga» dep atalatyn jeńil atletıka serııasynyń birinshi kezeńinde altyn medaldi jeńip aldy,
dep habarlaıdy QazAqparat.
«Bizdiń sport» saıtynyń málimetinshe, O. Rypakova úsh qarǵyp sekirýden 14 metr 89 santımetrdi baǵyndyrǵan. Osylaısha, jerlesimiz maýsymnyń jańadan bastalǵanyna jáne bul aǵymdaǵy jylǵy alǵashqy halyqaralyq jarysy bolǵandyǵyna qaramastan, tamasha jeńiske qol jetkizdi. Al kúmis medaldi 14 metr 61 santımer uzyndyqty baǵyndyrǵan kýbalyq ıArgelıs Savıne, al qola medaldi 13 metr 94 santımerge sekirgen reseılik Anna Pıatyh ıelengen. Úsh qarǵyp sekirý jarysyna barlyǵy on sportshy qatysqan. Osy jeńisiniń arqasynda Rypakova 4 upaıǵa, Savıne 2 upaıǵa, al Pıatyh 1 upaıǵa ıe boldy. «Gaýhar lıganyń» ekinshi kezeńi maýsymnyń 4-inde Osloda bastalady.
Aıta keteıik, O. Rypakova 2008 jylǵy Beıjiń olımpıadasynda úsh qarǵyp sekirýden fınaldyq kezeńde 15 metr 11 santımetr uzyndyqty baǵyndyryp, Azııa rekordyn jańartty. Osy kórsetkishimen ol Olımpıadada 4-shi oryn alǵan bolatyn. Budan bólek O. Rypakova 2010 jyly qysqy álem chempıonatynda 15 metr 14 santımetrge sekirip, álem chempıony atandy.
