Jeńil atletıka: Gıfýde 22 sportshy el namysyn qorǵaıdy
ASTANA. QAzAqparat - Qazaqstan jeńil atletıka federatsııasy 7-10 maýsym aralyǵynda Japonııanyń Gıfý qalasynda ótetin jasóspirimder arasyndaǵy Azııa chempıonatyna qatysatyn qurama músheleriniń tizimin jarııalady, dep habarlaıdy QazAqparat tilshisi.
Federatsııanyń bapkerler shtaby 6 mamyrda Shymkentte aıaqtalǵan jasóspirimder arasyndaǵy Qazaqstan chempıonatynyń nátıjelerin esepke ala otyryp, Azııa chempıonatyna qatysatyn quramany jasaqtady. Sońǵy tizim boıynsha 7 ul, 15 boıjetken Japonııaǵa baratyn boldy.
Onyń ishinde 8 sportshynyń byltyrǵy jyly Bangoktaǵy Azııa chempıonatyna qatysqan tájirıbesi bar. Atap aıtsaq, Danıla Korr, Ábdýjapar Shámshıdov, Ádil Ramet, Elızaveta Matveeva, Anastasııa Ermakova, Anastasııa Zavodına, Laýra Ahmetova, Sarıfa Rzakýlıeva. Osylardyń arasynda Ahmetova men Rzakýlıeva júldege ilikken.
