Jeńil atletıka: Brıtandyq Mo Fara álem chempıony atandy

ASTANA. QazAqparat - Keshe, 4 tamyzda Londonda jeńil atletıkadan álem chempıonaty jalaýyn kóterdi. 

Jarystyń alǵashqy kúni bir medal jıyntyǵy sarapqa salyndy, dep habarlaıdy dodasport.kz .

10,000 metr qashyqtyqta júgirýde birneshe dúrkin Olımpıada chempıony, brıtandyq Mo Fara jeńiske jetti. Ol qashyqtyqty 26 mınýt, 49,51 sekýndta júgirip ótti. Bul brıtandyq jelaıaq úshin álem chempıonatynyń altynshy altyny.

Kúmis júldeni Ýgandalyq Djoshýa Cheptegen ıelendi. Djoshýa jeńimpazdan bar bolǵany ,043 sekýndqa qalyp qoıdy. Úzdik úshtikti +1,09 aıyrmasymen kenııalyq jelaıaq Pol Tanýı túıindedi.