Jeńil atletıka boıynsha álem chempıonatynda Qazaqstan namysyn 17 sportshy qorǵaıdy
ASTANA. 30 shilde. QazAqparat - Jeńil atletıkadan Qazaqstan quramasy 10 tamyz kúni Máskeýde baıraǵyn kóteretin álem birinshiligine qatysatyn quramyn atady, dep habarlaıdy Vesti.kz.
Halyqaralyq týrnırler qorytyndysy boıynsha on jeti qazaqstandyq jeńil atlet álem chempıonatyna joldama utyp aldy.
Máskeýde erler komandasynyń quramynda Georgıı Sheıko jáne Vıtalıı Anıchkın (sporttyq júris), Mıhaıl Krasılov (marafon), Roman Valıev (úsh qarǵyp sekirý), Nıkıta Fılıppov (syryqpen sekirý), Konstantın Safronov (uzyndyqqa sekirý) jáne Dmıtrıı Karpov (onsaıys) qatysady.
Áıelderden Reseıge Olga Safronova, Vıktorııa Zıabkına, Margarıta Muqasheva (júgirý), Galına Kıchıgına, Aıman jáne Sholpan Kojahmetovalar (sporttyq júris), Anastasııa Soprýnova (kedergilermen júgirý), Marına Aıtova (bıiktikke sekirý), Irına Karpova (jeti saıys), Irına Ektova (úsh qarǵyp sekirý) attanady.
Komandadaǵy eń tájirıbeli sportshy Afınadaǵy Olımpıada júldegeri, onsaıys boıynsha álem chempıonatynyń júldegeri Dmıtrıı Karpov bolmaq. Sportshy bir aı buryn Azııa chempıony atandy. Sondaı-aq, jaqynda Ýnıversıada chempıony atanǵan jelaıaq Margarıta Muqasheva birinshilikte júldege qol sozýǵa talpynady. Jattyqtyrýshylar shtaby bıylǵy maýsymda jaqsy nátıjeler kórsetken Marına Aıtova jáne Nıkıta Fılıppovqa úmit artady.
Úsh qarǵyp sekirýden London Olımpıadasynyń chempıony Olga Rypakova álem chempıonatyna qatyspaıdy. Bıyl sportshy demalady, onyń ústine ol jaqynda ǵana ul týdy.
