Jeńil atletıka: Álem chempıonatynda el namysyn 2 sportshy qorǵaıdy
ASTANA. Qazaqparat - Búgin, Fınlıandııanyń Tamper qalasynda jeńil atletıkadan jasóspirimder arasynda álem chempıonaty bastaldy, dep habarlaıdy QazAqparat tilshisi.
QR Jeńil atletıka federatsııasy taratqan málimetterge súıensek, jarysqa 1999 jyldan beri qaraı týǵan balǵyn sporshylar qatysady.
15 shildege deıin jalǵasatyn jarysta Qazaqstannyń namysyn eki sportshy qorǵaıdy. Olar - Davıd Efremov pen Ekaterına Shlykova.
Tamperdegi «Ratına» stadıonynda ótetin álem birinshiligine 150 memleketten 1400 sportshy baq synamaq.
110 metrge tosqaýyldar arqyly júgiretin Efremov jarys jolyna 11 shilde kúni shyǵady. Іrikteý kezeńderi Astana ýaqyty 12:30-da bastalady. Sol kúni keshki 19:40-ta jartylaı fınal ótedi. Al fınal shildeniń 12-sinen 13-ne qaraǵan túni saǵat 00-00-ge josparlanǵan.
Sporttyq júristen baq synaıtyn Ekaterına Shlykova 14 shilde kúni óner kórsetedi. Ol 10 shaqyrymdyq qashyqtyq boıynsha qatysady. Bastalýy - Astana ýaqyty boıynsha 12:35.
