Jeńil atletıka: Álem chempıonatyna qatysatyn Qazaqstan quramasy anyqtaldy
NUR-SULTAN. QazAqparat - 27 qyrkúıek kúni Katar astanasy Dohada jeńil atletıkadan álem chempıonaty bastalady. Dodaǵa Qazaqstan atynan segiz sportshy qatysady, dep habarlaıdy QazAqparat olympic.kz saıtyna silteme jasap.
Dohadaǵy álem birinshiligine Olga Rypakova (úsh qarǵyp sekirý), Olga Safronova (100, 200 metr, estafeta), Georgıı Sheıko (sporttyq júris), Svetlana Golendova (estafeta), Elına Mıhına (estafeta), Rıma Kashafýtdınova (estafeta), Mıhaıl Lıtvın (400 metr), Ivan Ivanov (ıadro laqtyrý) qatysady.
«6 qyrkúıekke deıin ótkizilgen jarystardan soń segiz sportshy álem birinshiligine qatysý múmkindigine ıe boldy. Bıylǵy maýsym jaqsy qarqynmen ótti. Bizdiń sportshylar álem chempıonatyn qabyldaıtyn stadıonda baq synap kórdi. Azııa birinshiligi Dohada ótken bolatyn. Búginde komanda músheleri oqý-jattyǵý jıyndaryn ótkizý úshin Antalııaǵa ketti (Túrkııa). Jıyndy ótkizý aımaǵy klımattyq jaǵdaılarǵa baılanysty óte mańyzdy sanalady. Birinshi kezeńdi biz Ystyqkólde (Qyrǵyzstan) ótkizdik. Túrkııada sıntetıkalyq jabdyq ústinde daıyndalamyz. Bizdiń atlettermen birge gollandııalyq maman Henk Kraaıenhof jumys isteýde. Ol eki aıdan beri sportshylarymyzǵa keńes berip keledi. Olımpıada qarsańynda ótkeli otyrǵan álem chempıonatynda atletterimiz jaqsy nátıje kórsetýge tyrysý kerek», - deıdi bas bapker Erlan Ibraıym.
