Jeńil atletıka: Aqmolanyń áıelder qurama komandasy el chempıony atandy
KÓKShETAÝ. QazAqparat – Jeńil atletıkadan Aqmola oblysynyń áıelder qurama komandasy respýblıkalyq birinshilikte 4h200 metr qashyqtyqqa júgirýde jeńimpaz atandy, dep habarlaıdy QazAqparat tilshisi oblystyq dene shynyqtyrý jáne sport basqarmasyna silteme jasap.
Vedomstvonyń málimetinshe, Óskemen qalasynda jabyq manejde jeńil atletıkadan Qazaqstan chempıonaty ótti. Eki kúnge sozylǵan jarysqa elimizdiń ár óńirinen kelgen 249 atlet (onyń 159 er, 90 áıel) qatysty.
«Aqmolalyq sportshylar ár túrli deńgeıde bes medal ıelendi. Margarıta Nazarenko, Ksenııa ıAtsenko, Elvıra Tahaýova jáne ıÝlııa Syromıajkodan quralǵan áıelder quramasy 4h200 metr qashyqtyqqa respýblıka chempıony atandy. Tahırjan Qadyrqulov uzyndyqqa sekirýden ekinshi oryn ıelense, bıiktikke sekirýden Vasılıı Schastlıvyı men 800 metrge júgirýden Elvıra Tahaýova úshinshi orynǵa turaqtady.
Sonymen qatar, 4h200 metrge estafetalyq jarysta Aqmola oblysynyń erler quramasy (Artem Traıber, Anton Gerasımov, Valerıı Nısnevıch jáne Ilıa Alıev) da úshindi orynan kórindi», - deıdi vedomstvodan.
