Jeńil atlet Marııa Ovchınnıkova Olımpıada joldamasyn ıelendi

ALMATY. QazAqparat - Jeńil atlet Marııa Ovchınnıkova Olımpıada joldamasyn ıelendi, dep habarlaıdy QazAqparat Qazaqstannyń jeńil atletıka federatsııasyna silteme jasap.

«Osy kúnderi Almaty qalasynda ótip jatqan Qazaqstan chempıonatynda Marııa Ovchınnıkova Tokıo Olımpıada oıyndaryna joldama utyp aldy. Marııa óziniń eń jaqsy múmkinshiliginde 14.34 metr nátıje kórsetti», delingen habarlamada.

Sportshy júgirip kelip uzyndyqqa sekirýden osyndaı nátıje kórsetken.

Eske sala ketsek, 7-9 maýsym aralyǵynda Almaty qalasynda jeńil atletıkadan Qazaqstan chempıonaty ótedi. Jarysqa elimizdiń barlyq óńirinen 241 sportshy qatysyp jatyr. Jarys kestesin qazathletics.kz saıtynan kórýge bolady.