Jeńgetaılyqpen aınalysqan aqtóbelik jazadan qutylyp ketti

AQTÓBE. KAZINFORM — Qaýly shyǵarǵan kezde sýdıa «Qazaqstan Respýblıkasy Konstıtýtsııasynyń otyz jyldyǵyna baılanysty raqymshylyq jasaý týraly» Zańǵa súıendi.

суд, судья, сот
Фото: Мухтор Холдорбеков / Kazinform

Aqtóbe qalasyndaǵy oıyn-saýyq ortalyqtarynyń birinde ákimshi bolyp jumys istegen sottalýshy tanysyna er adamǵa jynystyq qyzmet kórsetýdi usyndy. Eki arada deldal bolǵany úshin qyzmetine 40 000 teńge suraǵan.

Bul is № 2 Aqtóbe qalalyq sotynda jabyq jaǵdaıda ótti. 36 jastaǵy sottalýshy buǵan deıin isti bolmaǵan ári joǵary bilimdi. Oǵan Qylmystyq kodekstiń 309-baby 1-bóligi, ıaǵnı, paıdakúnemdik maqsatta jeńgetaılyq jasaǵany úshin aıyp taǵyldy. 

— Sottalýshy taǵylǵan aıypty tolyq moıyndady, jasaǵan isine ókinetinin aıtty. Ol sottan «Qazaqstan Respýblıkasy Konstıtýtsııasynyń otyz jyldyǵyna baılanysty raqymshylyq jasaý týraly» Zańy aıasynda qylmystyq jaýaptan bosatýdy surady. Memlekettik aıyptaýshy da ótinishti qanaǵattandyrýǵa qarsylyq bildirmedi. Sot qaýlysymen sottalýshy qylmystyq jaýaptylyqtan bosatyldy, sondaı-aq is júrgizý toqtatyldy. Bultartpaý sharasy retinde qoldanylǵan úıqamaqtyń kúshi joıyldy. Sot qaýlysy zańdy kúshine engen joq, — dep habarlady Aqtóbe qalasy № 2 sotynyń baspasóz qyzmeti.

Eske salsaq, Aqtóbede kólikti zańsyz ıemdenip, satpaq bolǵan qylmystyq top ustaldy. Shyǵyn 50 mln teńgeden asty. Qylmystyq top músheleri qazir ustalyp, qamaýda otyr. 

Сейчас читают