Jenevadaǵy sırııaaralyq kelissózderdiń altynshy raýndynyń datasy ataldy

ASTANA. QazAqparat  -  BUU-nyń Sırııa jónindegi arnaıy elshisi Staffan de Mıstýra 16 mamyr kúni Jenevada Sırııa úkimetimen jáne sırııalyq oppozıtsııanyń qatysýymen kelissózderdi jandandyrady, dep habarlady Lenta.rý.

Sırııaaralyq kelissózderdiń altynshy raýndynda de Mıstýra Jeneva-4 nátıjesi boıynsha kelisilgen kún tártibi boıynsha delegatsııalarmen jumysty kúsheıtýdi kózdeıtini atap ótiledi.

Onymen qosa de Mıstýra 4 mamyrda Astanada qol jetkizilgen Sırııadaǵy deeskalatsııa týraly ýaǵdalastyq tolyqtaı oryndalatynyna úmitti.

Sırııaaralyq kelissózderdiń besinshi raýndy  Jenevada 23-31 naýryz kúnderi  ótti jáne saıası retteý protsesinde aıtarlyqtaı ilgerileý alyp kelmedi.

Sırııada qaýipsizdik aımaqtaryn qurý týraly memorandým 4 mamyrda Astanada qalasynda kepilger elder Reseı, Túrkııa jáne Iran arasynda jasaldy.  Idlıb provıntsııasynda,   Latakııa, Aleppo jáne Hama aýmaqtarynda;   Homs provıntsııasynyń soltústiginde; Shyǵys Gýte;   Sırııa ońtústigindegi -  Deraa jáne Kýneıtra provıntsııalarynda tórt aımaq qurý boljanýda. Bul óńirlerde qarý qoldanýǵa tyıym salynǵan. Budan basqa, ol jerlerge gýmanıtarlyq kómek jetkiziletin bolady.