Jenevadaǵy Sırııa qaqtyǵystaryn retteý jónindegi kelissózder ýaqytsha toqtatyldy
ÁBÝ-DABI. QazAqparat - Tórtinshi kún qatarynan júrip jatqan Birikken Ulttan Uıymy ókilderiniń qatysýymen Sırııa bıligi jáne oppozıtsııasy arasyndaǵy tikeleı kelissózder qandaı da bir mańyzdy nátıjelerge ákelgen joq.
Seısenbi kúni tańerteń BUU ókiletti elshisi Lahdar Brahımı kelissózderdi ýaqytsha toqtatatynyn, alaıda taıaý arada eki jaqtyń basyn qaıta qosýǵa úmitti ekenin habarlady.
Sırııa oppozıtsııasynyń atynan kelissóz júrgizý komandasynyń múshesi Rımma Fleıhan L.Brahımıdiń kelissózderdi aǵymdaǵy árket etýshi rejımniń gýmanıtarlyq aspektilerge, ótpeli úkimettiń qalyptasýyna baılanysty kez kelgen máseleler boıynsha ymyraǵa kelýden bas tartýy sebepti toqtatýǵa májbúr bolǵanyn aıtady.
Sonymen birge BUU ókilderi Homs provıntsııasynda qorshaýda qalǵan beıbit halyqqa gýmanıtarlyq kómek kórsetý máselesin alǵa tarta almady. Arab basylymynyń málimetteri boıynsha, BUU-nyń gýmanıtarlyq júk tıelgen kólikteri osy kezge deıin oǵan muqtaj sırııalyqtarǵa azyq-túlik ónimderi pen dári-dármekterdi jetkizý úshin qajetti belginiń berilýin kútip otyr.
