Jenevadaǵy avtosalon koronavırýsqa baılanysty toqtatyldy
BRıÝSSELЬ. QazAqparat – Jenevadaǵy halyqaralyq avtosalon juma kúni Shveıtsarııa bıligi koronavırýstyń taralýyn toqtatý maqsatynda jappaı sharalarǵa tyıym salý týraly buıryq jarııalaǵannan keıin toqtatyldy, dep habarlaıdy QazAqparat menshikti tilshisi.
5-15 naýryz aralyǵynda ótýi tıis Eýropa avtomobıl ındýstrııasy tanymal kórmesi jetekshi óndirýshilerdiń kóptegen jańa ónimderin kórsetýge daıyndalǵan edi.
Shveıtsarııa bıligi myńnan astam adam qatysatyn sharalardyń 15 naýryzǵa deıin toqtatylatyndyǵyn jarııa etti.
«Bul qadam Shveıtsarııa turǵyndary men qoǵamdyq densaýlyq saqtaýdy qorǵaýy tıis», - delingen Shveıtsarııa federaldyq keńesiniń málimdemesinde.
«Bul Shveıtsarııada aýrýdyń taralýynyń aldyn alady», - dep atap ótti Shveıtsarııa bıligi.
Qazirgi ýaqytta elde toǵyz adam koronavırýs juqtyrǵan, dep habarlaıdy The Local.
Ótken jyly Jeneva avtosalonyna 600 myń adam kelgen.
Aıta keteıik, budan buryn osy aıda koronavırýstyń órshýine baılanysty Barselonada Mobile World Congress mobıldi tehnologııalar halyqaralyq kórmesi toqtatylǵan edi.
