Jenevadaǵy aýktsıonda eń qymbat gaýhar tas satyldy
ASTANA. QazAqparat - Jenevada «Christie's» aýktsıony «Kógildir Oppengeımer» gaýhar tasyn 56,8 mln shveıtsarııalyq frankke (57,6 mln dollar) satty, dep habarlady «Reıter».
Osylaısha, «Kógildir Oppengeımer» aýktsıonda satylǵan eń qymbat tas atandy.
Baǵaly tasty satyp alýǵa saýdanyń eki qatysýshysy shamamen 20 mınýttaı talasty. Olar ókilderi arqyly usynystaryn telefonmen habarlady. Satyp alýshynyń esimi belgisiz.
Salmaǵy 14,62 karatty quraıtyn gaýhar tasy buryn Londonda Diamond Syndicate kartelin baqylaǵan Fılıpp Oppengeımerveske tıesili bolǵan.
Osyǵan deıin eń qymbat tas «Kógildir aı» dep atalǵan. Ol ótken jyly qarasha aıynda «Sotheby's» aýktsıonynda 48,6 mln shveıtsarııalyq frankke satyldy.
