Jenevadaǵy aýktsıonda álemdegi eń qymbat laǵyl tas 8,6 mln. dollarǵa satyldy
ASTANA. QazAqparat - London turǵyny Loýrens Graff Jenevadaǵy Sotheby's aýktsıon úıi uıymdastyrǵan saýdada laǵyl tasty rekordtyq baǵaǵa - 8,6 mln dollarǵa satyp aldy.
Bul týraly Reuters agenttigi habarlady.
«Bul álemdegi eń taza laǵyl tas», dep málimdedi «Gaýhar tastar koroli» atymen tanymal Graff.
Asyl tastyń ereksheligi, onyń ashyq qyzyl tústi bolýynda. Álemde qymbat tastarǵa áýesqoılar osy túske asa qumar. Al saýdalanǵan tas Mıanmadaǵy laǵyldar alqabynda tabylǵan. Salmaǵy 8, 62 karat.
