Jenevadaǵy aqparattyq tehnologııalar baıqaýynda «Ulttyq aqparattyq tehnologııalar» AQ jeńimpaz atandy

ASTANA. QazAqparat - Jenevada barlyǵyna ashyq aqparattyq qoǵam qurýǵa baǵyttalǵan jobalar baıqaýynyń jeńimpazdary jarııalandy. Qazaqstannyń «Ulttyq aqparattyq tehnologııalar» AQ «Aqparattyq jáne kommýnıkatsııalyq ınfraqurylym» atalymynda marapatqa ıe boldy. Bul týraly BUU saıty habarlady.

Halyqaralyq elektr baılanysy odaǵynyń (HEO) bas hatshysy Hoýlın Chjao aqparattyq qoǵam máseleleri boıynsha búkilálemdik forýmnyń ashylýynda baıqaýdyń 18 jeńimpazyn atady. Forým Jenevada ótýde.

Baıqaýǵa 311 joba usynyldy.

«Halyqaralyq elektr baılanysy odaǵy men seriktesteri Aqparattyq kommýnıkatsııalar tehnologııasy BUU-nyń turaqty damý salasyndaǵy 17 maqsatyna qol jetkizý jolynda sheshýshi mańyzǵa ıe ekenine senimdi», - dedi HEO bas hatshysy Hoýlın Chjao. Ol tehnologııany adamdar ómirin jaqsartý jáne olardyń ál-aýqatyn damytýǵa qoldanatyn úkimettikten bastap AKT salasyndaǵy alpaýyt kompanııalardyń jáne úkimettik emes uıymdarǵa deıin osy baıqaýǵa qatysa alatyndyǵyn atap ótti.

Grýzııadaǵy qoldanbaly matematıka Instıtýty da jeńimpazdar qatarynda, olar «Elektrondyq ǵylymı qyzmet» atalymynda marapatqa ıe boldy.