Jenevada sırııaaralyq kelissózder bastaldy
ASTANA. QazAqparat - Jenevada sırııaaralyq kelissózder qaıta jandandy, tórtinshi kezeń qatysýshylardyń BUU Sırııa jónindegi arnaıy elshisi Staffan de Mıstýramen qostarapty kezdesýlerinen bastaldy, dep habarlaıdy RIA Novostı.
Bir jyldyq úzilis jáne Astanadaǵy jańa kelissóz alańy paıda bolǵannan keıin ótip jatqan kezdesýdiń basty taqyryby Sırııada jańa úkimet qurý, el konstıtýtsııasynyń jańa jobalary men saılaý ótkizý bolmaq.
Jenevadaǵy talqylaýdyń formaty resmı túrde jarııalanbady. Oppozıtsııa talap etkendeı, tikeleı kezdesýler bola ma, álde arnaıy elshi árqaısysymen jeke kezdesip, aralyq dıplomatııa tájirıbesin jalǵastyra ma, belgisiz. De Mıstýranyń ózi jaqynda bolǵan baspasóz máslıhatynda óz kestesin, tipti beısenbi kúngi josparlaryn jarııalamady. Onyń aıtýynsha, búgingi kúnniń birinshi jartysynda delegatsııalarmen kezdeskennen soń, format máselesin sheshedi.
Sonymen birge, kelissózder uıymdastyrýshylaryna jaqyn aqparat kózi RIA Novostı agenttigine búgin 15:00-de (Astana ýaqytymen 20:00-de) kelissózder qatysýshylarynyń de Mıstýra alǵysózine jınalatynyn habarlady. Oǵan Sırııaǵa qoldaý kórsetetin halyqaralyq topqa múshe memleket ókilderi de kelýi múmkin.
