Jenevada Sırııa boıynsha kelissózder bastaldy
ASTANA. 5 qarasha. QazAqparat - Jenevada Sırııa boıynsha beıbitshilik konferentsııasyn daıarlaý maqsatynda kelissózder bastaldy. Uıymdastyrýshylar atalǵan elde 2,5 jylǵa sozylǵan azamattyq soǵysqa núkte qoıýǵa bel býyp otyr.
BUU men Arab elderi lıgasynyń arnaıy ókili Lahdar Brahımı men amerıkalyq jáne reseılik dıplomattar arasyndaǵy kezdesý qatysýshylar quramy boıynsha kelispeýshiliktiń saldarynan birneshe aı boıy keıinge qaldyrylǵan edi.
Reseı men AQSh-tan ózge bul kezdesýge BUU Qaýipsizdik keńesiniń úsh turaqty múshesi (Ulybrıtanııa, Frantsııa, Qytaı), sondaı-aq Sırııamen kórshiles Lıvan, Iordanııa, Iran jáne Túrkııa elderiniń ókilderi qatysady.
