Jenevada «Manas jáne Shyńǵys Aıtmatov» kórmesi ótip jatyr
ASTANA. KAZINFORM—Jenevada jazýshy Shyńǵys Aıtmatov jáne «Manas» eposymen baılanysty qyrǵyz, orys, aǵylshyn jáne túrik tilderinde basylǵan kitaptar, sýretter men býkletter usynylǵan kórme ashyldy, dep jazady Kabar agenttigi.
Qyrǵyzpatent kórmeniń Qara-Qyrǵyz avtonomııalyq oblysynyń qurylǵanyna 100 jyl tolýyna oraı uıymdastyrylǵanyn aıtty.
Sonymen qatar, kórme sórelerinde Qyrǵyzstanda óndirilgen ónimder, qyrǵyzdardyń rýhanı murasy sanalatyn halyq kıimderi men quraldary usynylǵan.
Іs-sharanyń resmı ashylýyna qatysqan Qyrǵyz patentiniń dırektory Rahat Kerimbaeva Shyńǵys Aıtmatovtyń shyǵarmashylyǵy men «Manas» eposynyń biregeıligi týraly aıtyp berdi.
Qyrǵyzstan delegatsııasynyń quramyna mádenıet ókilderi, Karamoldo Orozov atyndaǵy halyq aspaptar orkestriniń ártisteri kirdi.
Aıta keteıik, iri halyqaralyq is-sharaǵa Qyrǵyzstannan 16 adamnan turatyn delegatsııa keldi. Olardyń ishinde kásipkerler, óndirýshiler jáne Qyrǵyz patentiniń ókilderi bar.
