Jenevada Qazaqstannyń Qurmetti konsýldyǵy ashyldy
ASTANA. QazAqparat - Jeneva qalasynda Qazaqstannyń Qurmetti konsýldyǵy ashyldy, dep habarlaıdy QazAqparat QR SІM-niń baspasóz qyzmetine silteme jasap.
«Jeneva qalasynda Qazaqstan Respýblıkasy men Shveıtsarııa Konfederatsııa arasyndaǵy dıplomatııalyq qatynastardyń ornaǵanyna 25 jyl tolýyna oraı Qazaqstannyń Elshiligi Qurmetti konsýldyǵynyń resmı ashylýyn ótkizdi. Atalǵan is-sharalarǵa resmı jáne isker toptarynyń ókilderi qatysty», - delingen baspasóz baıanynda.
Shara barysynda Qazaqstan Respýblıkasynyń Shveıtsarııadaǵy Elshisi Janar Aıtjanova, Shveıtsarııa Syrtqy ister departamentiniń Protokol basshysy, Elshi Maýro Reına jáne Qazaqstannyń Jenevadaǵy Qurmetti konsýly Jan-Pol Perıa sóz sóıledi.
J. Aıtjanova Shveıtsarııamen aǵymdaǵy jáne damý yntymaqtastyǵynyń keleshegi, sondaı-aq «Astana» halyqaralyq qarjy ortalyǵy jáne Halyqaralyq «jasyl tehnologııalar» ortalyǵy sheńberinde yntymaqtastyq týraly egjeı-tegjeıli áńgimeledi.
M. Reına ekijaqty qarym-qatynastyń deńgeıin joǵary baǵalap, eki el arasyndaǵy yntymaqtastyqtyń odan ári nyǵaıa túsetinine senim bildirdi.
Óz kezeginde Jan-Pol Perıa jańa Qurmetti konsýldyqtyń ashylýy eki el arasynda resmı, isker, ǵylymı jáne mádenı qarym-qatynastardyń artýyna sebep bolatynyna aıtty. Atalǵan konsýldyq Shveıtsarııanyń ınvestıtsııalary men tehnologııalardy qazaqstandyq naryqqa tartýǵa járdem kórsetýge arnalǵanyn atap ótý qajet.
Resmı kezdesýden keıin Qazaqstanda jalpy bıznes júrgizý, saýda-ekonomıkalyq jáne ǵylymı-tehnıkalyq, ásirese Qazaqstan men Shveıtsarııa aımaqtary arasynda yntymaqtastyqty nyǵaıtý boıynsha ashyq pikiralmasý ótti.
Shveıtsarııa Qazaqstannyń negizgi saýda áriptesteriniń biri bolyp tabylady. 2005 jyldan beri shveıtsarııalyq ınvestıtsııalardyń jalpy kólemi shamamen 19 mlrd AQSh dollaryn qurady. Qazaqstandyq naryqta «ABB», «Philip Morris», «Glencore», «Nestlé», «Roche», «Novartis», «Syngenta», «Bühler» jáne taǵy basqa shveıtsarııalyq kompanııalar keńinen usynylǵan.
