Jenevada Qazaqstandaǵy adam quqyǵynyń jaǵdaıyna qatysty esep tyńdalady
ASTANA. Aqpannyń 8-i. QazAqparat /Erur Aqanbaı/ - Aqpannyń 12-si jáne 16-sy aralyǵynda Shveıtsarııanyń Jeneva qalasynda Ámbebap kezeńdik sholý jumys tobynyń 7-shi sessııasy ótedi.
Sonyń sheńberinde Qazaqstandaǵy adam quqyǵynyń jaǵdaıyna qatysty esep tyńdalady. Oǵan qatysatyn elimizdiń vedomstvoaralyq delegatsııasyn Premer-Mınıstrdiń orynbasary Erbol Orynbaev bastap barady, dep habarlaıdy QazAqparat.
QR Syrtqy ister mınıstrliginiń resmı ókili Asqar Ábdirahmanovtyń aıtýynsha, qazaqstandyq delegatsııa ókilderininiń qatysýymen bolatyn sholý úsh saǵattyq ınteraktıvtik dıalog formasynda ótedi. Oǵan BUU-ǵa múshe barlyq memleketterdiń ókilderi jiberiletin bolady.
«Ámbebap kezeńdik sholý mehanızmi BUU-nyń Adam quqyqtary jónindegi keńesiniń sheshimimen 2008 jyldyń sáýir aıynda iske qosylǵan bolatyn. Oǵan sáıkes BUU-ǵa múshe 192 memleket tórt jylda bir ret atalmysh sholýdan ótip otyrýlary tıis», dedi resmı ókil.
