Jenevada aýktsıonda reseı ımperatory Nıkolaı ІІ-niń hattary satyldy
ASTANA. 12 jeltoqsan. QazAqparat - Reseıdiń sońǵy ımperatory Nıkolaı ІІ-niń óziniń aǵasy - uly knıaz Nıkolaı Nıkolaevıchke joldaǵan tórt haty 119 myń frankqa (127 myń dollar) satyldy, dep habarlady RBK.
Bul satylymdaǵy lot Jenevanyń Aýktsıon úıi uıymdastyrǵan «orys saýdasynyń» bir bóligi boldy.
Hattardyń bári bir satyp alýshynyń qolyna tıdi, onyń ókili zalda otyrdy. Ol hattardyń jańa ıesiniń aty-jónin ataǵan joq, degenmen onyń jeke kollektsıoner ekendigin atap ótti.
«Orys saýdasy» kezinde barlyǵy 1 mln. 300 myń dollardyń 200 loty ótkizildi. Olardyń arasynda reseılik ımperator otbasynyń buryn jarııalanbaǵan fotosýretteri jáne monarh qyzdarynyń jeke zattary boldy.
