Jenevada «Arqankergen» qosynynda qaza tapqan shekarashylardy eske aldy
ASTANA. 7 maýsym. QazAqparat - 5 maýsym kúni «Arqankergen» qosynyndaǵy qaıǵyly oqıǵaǵa baılanysty Qazaqstan Respýblıkasynyń Jenevadaǵy BUU bólimi jáne basqa da halyqaralyq uıymdar janyndaǵy turaqty ókildiginde Memlekettik Tý
tómen túsirilip, kóńil aıtý kitaby ashyldy. Bul týraly QR SІM-niń baspasóz qyzmetinen habarlanady.
QR mıssııasyna halyqaralyq uıymdar men sheteldik dıplomatııalyq ókildikterdiń basshylary qaza tapqan otandastarymyzdyń týystary men jaqyndaryna, Úkimetke jáne Qazaqstannyń búkil halqyna kóńil bildirý úshin keldi.
Birqatar turaqty ókildikter qaıǵyǵa ortaqtasyp, kóńil aıtýlaryn hat túrinde joldady, onda qaza tapqandardyń týystaryna da kóńil aıtý jáne qoldaý ótinishteri bildirildi.
