Jenevada álemdegi eń iri kógildir gaýhar tas bássaýdaǵa shyǵaryldy
ASTANA. QazAqparat - Christie's bássaýda úıi Jenevada álemdegi eń iri kógildir tústi gaýhar tasty saýdaǵa shyǵardy.
Olar munan 21 mln. dollar tabýdy kózdep otyr, dep habarlaıdy ITAR-TASS.
Aýktsıon úıiniń derekterine qaraǵanda, 14 mamyrdaǵy asyl tastar bássaýdasynda 13,22 karatty quraıtyn gaýhar Jeneva kóliniń jaǵasynda ótetin dástúrli kóktemgi saýdada negizgi lot bolmaq.
Eske sala ketsek, ótken jyly qarashada osy aýktsıon úıi salmaǵy 14,82 karat qyzǵylt sary tústi gaýhar tasty 35,5 mln. dollarǵa satqan bolatyn.
