Jenevada AQSh pen Iran arasyndaǵy ıadrolyq kelissózderdiń ekinshi raýndy aıaqtaldy
ASTANA. KAZINFORM - Jeneva qalasynda AQSh pen Iran arasyndaǵy ıadrolyq baǵdarlamaǵa qatysty janama kelissózderdiń ekinshi raýndy qorytyndylandy. Taraptar yqtımal kelisimniń negizgi parametrleri boıynsha ortaq túsinikke kelgenimen, mámileni jaqyn arada bekitý týraly áńgime qozǵalǵan joq. Bul týraly agenttiktiń menshikti tilshisi habarlady.
Kelissózder Omannyń araaǵaıyndyǵymen Jeneva qalasynda ótti. Kezdesý aıaqtalǵannan keıin delegatsııalardyń kortejderi Omannyń BUU janyndaǵy elshisiniń rezıdentsııasyndaǵy kelissóz ótken jerden shyqty.
Irannyń syrtqy ister mınıstri Abbas Aragchı kezdesýden keıin taraptar aldaǵy jumystyń negizine aınalatyn negizgi «baǵdar berýshi qaǵıdattar» boıynsha ortaq mámilege kelgenin málimdedi.
— Ártúrli ıdeıalar usynyldy, olar jan-jaqty talqylandy. Sonyń nátıjesinde birqatar jetekshi ustanymdar boıynsha ortaq kelisimge keldik. Endi osy negizde alǵa jyljyp, yqtımal kelisim mátinimen jumys isteýge kirisemiz, — dedi ol ırandyq BAQ-qa.
Speaking in a press conference about the 2nd round of Iran-US indirect talks, FM @araghchi said: Good progress was made compared to the previous session, and this round had a more constructive atmosphere.
— IRNA News Agency ☫ (@IrnaEnglish) February 17, 2026
Mınıstrdiń aıtýynsha, qujat jobalarymen almasqannan keıin taraptar kelissózderdiń úshinshi raýndynyń merzimin aıqyndaıdy. Aragchı dıalogty «konstrýktıvti» dep baǵalaı otyryp, qol jetkizilgen jetistikter mámile tez arada jasalady degendi bildirmeıtinin atap ótti.
Taraptardyń ustanymy
Tegeran kelissózder tek ıadrolyq baǵdarlama men AQSh sanktsııalaryn alyp tastaý máselelerin qamtýy tıis dep esepteıdi. Iran tarapy buǵan deıin ýran baıytýdan tolyq bas tartpaıtynyn jáne zymyran baǵdarlamasyn talqylaýǵa daıyn emes ekenin birneshe ret málimdegen.
Vashıngton kerisinshe, kelissózderdiń kún tártibin keńeıtýge, sonyń ishinde zymyran ázirlemeleri men Irannyń aımaqtyq belsendiligi máselelerin engizýge múddeli ekenin bildirip keledi.
FM @araghchi was consulting with Tehran (image from earlier today in Geneva) pic.twitter.com/aw5Us1juKk
— Tehran Times (@TehranTimes79) February 17, 2026
AQSh prezıdenti Donald Tramp kelissóz úderisine janama túrde qatysyp otyrǵanyn aıtyp, Tegerannyń kelisimge qol jetkizýge múddeli ekenine senim bildirdi.
— Meniń oıymsha, olar kelisim bolmaı qalǵan jaǵdaıda oryn alýy múmkin jaǵdaıdy qalamaıdy. Biz olardyń ıadrolyq áleýetine soqqy berý úshin B-2 ushaqtaryn jibergennen kóri kelisim jasaǵan durys dep esepteımiz, — dedi ol Air Force One bortynda jýrnalısterge.
Aq úı ázirge kelissóz qorytyndysyna qatysty resmı túsinikteme bergen joq.
Áskerı qaterler aıasyndaǵy dıalog
Kelissózder AQSh-tyń Taıaý Shyǵystaǵy ásker sanyn kóbeıtip jatqan kezine dóp keldi. Aımaqta amerıkalyq avıatasymaldaýshy soqqy toptary, sonyń ishinde USS Abraham Lincoln avıatasymaldaýshysy, sondaı-aq qosymsha esmınetster men áskerı ushaqtar ornalastyrylǵan.
Iran óz kezeginde Islam revolıýtsııasy saqshylar korpýsynyń jattyǵýlaryn Ormýz buǵazy aımaǵynda ótkizip jatyr. Irandyq BAQ manevrler kezinde qaýipsizdik sharalaryna baılanysty buǵazdyń bir bóligi ýaqytsha jabylǵanyn habarlady. Ormýz buǵazy álemdik munaı jetkizilimindegi negizgi baǵyttardyń biri sanalady.
IRGC Navy Launches War Game in Hormuz Straithttps://t.co/jAfu7O2Dz0 pic.twitter.com/yVGHkGxImQ
— Tasnim News Agency (@Tasnimnews_EN) February 16, 2026
Irannyń rýhanı kóshbasshysy, aıatolla Alı Hameneı AQSh-tyń eldegi bılikti ózgertýge baǵyttalǵan kez kelgen áreketi sátsizdikke ushyraıtynyn málimdedi.
— Avıatasymaldaýshydan da qaýiptisi — ony teńizdiń túbine jibere alatyn qarý. Álemdegi eń qýatty armııanyń ózi keıde ornynan tura almaıtyn soqqy alýy múmkin, — dedi ol.
Aldaǵy qadamdar
Jenevada ótken BUU-nyń qarýsyzdaný jónindegi konferentsııasynda AQSh-pen kelissózderden keıin sóz sóılegen Aragchı Irannyń zańdy quqyqtaryn qamtamasyz etetin ádil ári ornyqty sheshimge qol jetkizýge múmkindik beretin jańa múmkindikter ashylǵanyn aıtty.
— Qoqan-loqy jaǵdaıynda eshqandaı másele talqylanbaıdy, — dep atap ótti ol.
Foreign Minister @araghchi addressing the Geneva Conference on Disarmament stressed that Iran's right to use nuclear energy is non-negotiable. pic.twitter.com/9PozbtCnXg
— IRNA News Agency ☫ (@IrnaEnglish) February 17, 2026
Sondaı-aq Aragchı AQSh-ty Iranǵa qarsy kúsh qoldaný qaterin dereý toqtatýǵa shaqyrdy.
AQSh pen Izraıl Iran ıadrolyq qarý jasaýǵa umtylady dep esepteıdi. Al Tegeran óz baǵdarlamasynyń beıbit sıpatta ekenin alǵa tartyp, bul aıyptaýlardy joqqa shyǵaryp keledi.
Eske salaıyq, janama kelissózderdiń alǵashqy raýndy Omanda ótip, Iran tarapy ony «jaqsy bastama» retinde baǵalaǵan bolatyn.