Jeneva konferentsııasy Astana kelissózderiniń nátıjesin qaperge alýy tıis- Djafarı

ASTANA. QazAqparat - Jeneva konferentsııasy Astana kelissózderiniń barlyq nátıjesi men qararyn qaperge alýy tıis. Bul jaıynda QazAqparat sırııalyq retteý jónindegi kelisssózderdiń qorytyndysyna oraı uıymdastyrylǵan baspasóz máslıhatynda BUU janyndaǵy Sırııanyń turaqty ókili Bashar Djafarı málim etti, dep habarlaıdy QazAqparat.

«Jeneva konferentsııasy aldaǵy kezdesý jumysynyń negizi bolýy úshin «Astana-1» jáne «Astana-2» kezdesýleriniń barlyq nátıjesi men qararlaryn nazarǵa alýy tıis», - dedi Djafarı.

Onyń atap ótýinshe, árbir kezdesýdi buǵan deıingi kezdesýler barysynda qol jetkizilgen nátıjelerdi esten shyǵaryp, bárin qaıtadan bastaýdyń qajeti joq.

Sonymen qatar Djafarı Sırııa qantógisti boldyrmaý maqsatynda soǵysty toqtatý rejimin saqtaý úshin barlyq sharalardy qabyldaýǵa mindetti ekendigin basa aıtty.